ملتقى أحباب النبك

للدخول الى كل أقسام المنتدى,اذا كنت عضو مسجل , اضغط على "دخول".

و اذا كنت غير مسجل, اضغط على "التسجيل".

ملاحظة هامة:: لاتنسى بعد التسجيل, ان تذهب الى بريدك الالكتروني وثم تقوم بتنشيط حسابك من خلال الدخول الى الرسالة اللي نرسلها لك, حتى تستطيع الدخول للمنتدى

منتدى عربي سوري ملتقى أهالي النبك منتدى عام وشامل رياضي ثقافي سياحي ترفيهي

تصويت


    المواطن السوري

    شاطر
    avatar
    mohammad madkhana
    عضو مشارك
    عضو مشارك

    عدد المساهمات : 253
    السٌّمعَة : 0
    تاريخ التسجيل : 29/11/2009
    العمر : 22
    الموقع : alnabklovers.yoo7.com

    المواطن السوري

    مُساهمة  mohammad madkhana في 29/11/2009, 10:51 pm

    المواطن السوري



    • إذا ركب تكسي طول الطريق عيونو عالعداد.

    الوحيد بالعالم الي بينزل من سيارتو ليعبي بنزين (حتى) لو كان عامل الكازية عم يعبيلو.

    لما بيسلم على شي حدا, بيسألو كيفك شي سبطعشر مرة:
    كيفك
    شو اخبارك
    بس ما التلي كيفك
    كيف صحتك
    إي طمني كيف الشغل
    شو الأخبار
    هلأ إيمك مني, انت كيفك؟

    بيعرف كل المسؤولين و صحبة مع تلت رباعون

    لما بيتصل على شي برنامج مسابقات بيقول: ممكن شارك؟
    • ما بيكب شي،(مطربانات..كياس نايلون..علبة التانج..الجرايد...) من مبدأ : إلما يلزموا

    بيعرف بيكل الأمراض وبيقدر يعطيك أي وصفة طبية

    بيرفع صوته وهو عم يحكي مخابرة خارجية

    بيضغط بقوة لما بتكون بطارية الريموت عم تتوفى وكأنه بتقواية الضغطة رح يشتغل أحسن.

    بيحط الريموت كنترول بكيس نايلون مشان ما يتغبر.

    بيحط نضارات شمسية حتى لوكانت الدنيا معتمة
    بيضل عم يطلع عالمراية قبل ما يطلع من البيت شي ساعة ونص وبيطلع متل جيمس بوند او باربي اذا كانت بنت
    بينكت الخزانة نكت مو طبيعي قبل كل مشوار يروحو حتى لو كان بدو يروح يجيب كيلو خيار من تحت البناية

    لما بيرن موبايلو وهو بمطعم ما بيرد الا بعد ما تخلص الرنة ليفرجي العالم رنته الجديدة

    طول مو ئاعد بالمطعم او بالقهوة عم يفكر أديه بدي اترك بئشيش

    لما بدو يلف على اليسار وهو عم يسوق بمد ايدوا من الشباك وبيكسر فورا واذا ما عجبك بينزل وبيطلع عليك بالعالي لانوا معه الحق.

    دائما بدو يغير موبايلو مع أنو بيكون مفلس وعم يشحد

    المواطن السوري هو اللي: وقت يخلص الحكي مع شخص هلأ قابله بيئلو لك اهلين بفلان والله.
    • الوحيد اللي مابيقول معاشو المزبوط لحدا ولا حتى لبيت حماه
    • من كتر مو مأفل .. بس يتصور بيشخص كأنو مخابرات.
    • المواطن السوري بيعمل حالو فهيم بكل شي:
    بالتجارة
    بالصناعة
    بالحدادة
    بالسيارات
    وما عندو مانع يفتيلك أمور دينية من عندو في حال استشرتو بموضوع
    • بيوقف شي نص ساعة عالباب بعد ما تنتهي الزيارة ... على سلامات وحكي فاضي.

    المواطن السوري هوه الوحيد اللي بيحكي على الشخص شي نص ساعة بعد ما يروح مع انو كان عم يمدح فيه بوشو
    المواطن السوري هوه الوحيد اللي شغلتو وعملتو انو يعلق على العالم وبيتمسخر عليهن حتى لو كانو كاملين مكملين
    المواطن السوري ما بتلاقي شخص متلو بالعالم بيقدر يلطش ويتحركش بالبنات حتى لو كانو لابسين كيس اسود
    المواطن السوري انت حبيب قلبو وصديقو المقرب الوفي هادا قبل ما تقرب على جيبتو او تحكي حقيقتو بوشو
    المواطن السوري معن معن عليهن عليهن

    المواطن السوري اذا قلتلو في عجئة عالطريق بيقلك يستر عرضك لا تحكي بالسياسة
    ا
    لمواطن السوري متى ما دبق غنية ما بيحل عنها لتطلع وحدة ضاربة اكتر وبيصر على انو يسمعك صوتو الشجي

    هوه الوحيد اللي بيضل بيكاسر بالسعر حتى يخلي البياع يكفر بالعبري ويبيعو بسعر الجملة

    الشب السوري بيعمل المستحيل ليبين انو مهضوم

    الصبية السورية مصرة جدا انها ما ترجع على البيت حتى تحكي لرفيقتها على كل بنت وتنتقدها
    البنت السورية بتضل امها تظبطها ساعة لتطلع متل فلة ومافي اشطر منها باختراع الالعاب والقصص الخيالية

    الطفل السوري بيمثل حركات واصوات افلام الكرتون اللي بيشوفها بالشارع لدرجة بتفكرو مجنون

    الرجل السوري بس عطيه ريمونت كونترول وصحن بزر وباكيت دخان وحطو قدام التلفزيون

    المرأة السورية بتدخل بكل شي وبتعتبر حالها مسؤولة عن المجتمع



    مشكورين
    avatar
    primrose

    عدد المساهمات : 137
    السٌّمعَة : 6
    تاريخ التسجيل : 22/12/2009
    الموقع : في بلاد الله الواسعة

    رد: المواطن السوري

    مُساهمة  primrose في 23/12/2009, 5:14 pm

    هههههههههههههههههه معنا معنا بنتطور
    يعطيك العافية

      الوقت/التاريخ الآن هو 17/10/2017, 3:19 pm